HybridAnalyzer Tamil

Hot

Sunday, 2 February 2020

"கொரோனா வைரஸ் உண்மையில் பயோ வெப்பனா" சர்ச்சையைக் கிளப்பிய ஆமெரிக்க ஆய்வு வெளியீடு!

February 02, 2020 0

சீனாவில் அதிகளவில் பாதிப்பை ஏற்படுத்தி வரும் கொரோனா வைரஸ் உலகின் பல நாடுகளுக்கும் பரவி அச்சுறுத்தலை ஏற்படுத்தி வருகிறது. கொரோனா வைரஸின் தாக்கம் கண்டுபிடிக்கப்பட்டதில் இருந்தே, இந்த வைரஸ் உருவானது குறித்து மிகப்பெரிய விவாதங்களும் எழுந்தன. இதுதொடர்பாக, அமெரிக்காவில் பிரபலமான `ஸீரோ ஹெட்ஜ்' என்கிற வலைதளம் வெளியிட்ட Is This the Man Behind the Global Coronavirus Pandemic என்கிற கட்டுரை மிகப்பெரிய சர்ச்சையை ஏற்படுத்தியுள்ளது.




ஸீரோ ஹெட்ஜ் என்ற வலைதளம் இந்தக் கட்டுரையை கடந்த புதன்கிழமை தன்னுடைய வலைப்பக்கத்தில் வெளியிட்டுள்ளது. அதன்படி, "வைரஸ் பரவுவதற்குப் பின்னால் உள்ள உண்மையான காரணம், கொரோனா வைரஸின் ஆயுதமாக்கப்பட்ட வெர்சன்தான். சீனாவின் வுஹான் வைராலஜி நிறுவனம் இதை வெளியிட்டுள்ளது. உலகின் மிக ஆபத்தான நோய்க்கிருமிகளை இந்த நிறுவனம் ஆராய்ச்சி செய்கிறது. இதுதான் உலக பொதுசுகாதார நிறுவனத்தை அவரசரநிலையை பிரகடனப்படுத்த வழிவகுத்தது" என்று குறிப்பிடப்பட்டுள்ளது. இந்தக் கட்டுரையைத் தொடர்ந்து, கொரோனா வைரஸை பயோ வெப்பனாக மாற்ற முயற்சிக்கின்றனர் என்ற சர்ச்சையும் எழுந்தது.

இணையதளம்
வைரஸ் குறித்த அறிவியல் விளக்கங்களை விவரிக்கும் அந்த கட்டுரையின் முடிவில், சீனா மற்றும் உலகம் முழுவதும் உள்ள நாடுகளிலுள்ள ஆயிரக்கணக்கான மக்களை பாதித்துள்ள இந்த கொரோனா வைரஸ் உருவான காரணத்தை தெரிந்துகொள்ள வுஹான் வைராலஜி நிறுவனத்தைச் சேர்ந்த விஞ்ஞானியை அணுகுங்கள் என்று தெரிவித்துள்ளனர். மேலும், அவருடைய மின்னஞ்சல் மற்றும் தொலைபேசி எண் ஆகியவற்றையும் பதிவிட்டுள்ளனர். ஆனால், வுஹான் ஆய்வகம்தான் இந்த வைரஸை பரப்பியது என்பதற்கான முறையான ஆதாரங்கள் எதுவும் அந்த கட்டுரையில் தெரிவிக்கப்படவில்லை.
இந்நிலையில் இந்தக் கட்டுரை ஆராய்ச்சியாளர்களிடையே மிகப்பெரிய விவாதத்தையும் சர்ச்சையையும் கிளப்பியது. இதுதொடர்பாக வுஹான் வைராலஜி நிறுவனமும் அறிக்கை ஒன்றை வெளியிட்டுள்ளது. அதில், கொரோனா வைரஸால் வௌவால்கள் ஏன் பாதிப்படைவதில்லை என்பதை விஞ்ஞானி ஜாவ் பெங் ஆய்வு செய்து வருகிறார் என்று குறிப்பிட்டுள்ளனர். மேலும், ஜாவ் பெங் கடந்து வந்த பாதை மற்றும் அவரது ஆராய்ச்சி துறைகள் குறித்தும் குறிப்பிட்டுள்ளனர்.
கல்ஃபோர்னியா பல்கலைக்கழகத்தைச் சேர்ந்த பேராசிரியரும் உலக சுகாதார குழுவின் உறுப்பினருமான பிரான்டன் ஜெ. ப்ரௌன் இந்த கட்டுரை தொடர்பாக பேசுகையில், ``வுஹான் நிறுவனம், கொரோனா வைரஸால் ஏற்படும் பாதிப்புகளை தடுப்பதற்காகவே ஆராய்ச்சிகளை மேற்கொண்டு வருகின்றனர். கொரோனா வைரஸ் பயோ வெப்பனாக பணிபுரியும் என்கிற சிந்தனையே வேடிக்கையாக உள்ளது. மற்ற வைரஸ் தாக்கங்களால் ஏற்பட்ட பாதிப்புகளைவிட கொரோனாவால் ஏற்பட்ட பாதிப்பு மிகக்குறைவு. எனவே, இது பயோ வெப்பன் என்று கூறப்படுவது சரியானதல்ல" என்று கூறியுள்ளார்.
இந்தக் கட்டுரையில் ஐ.ஐ.டி டெல்லியில் உள்ள உயிரியல் அறிவியல் பள்ளி மற்றும் டெல்லி பல்கலைக்கழகத்தின் இந்திய விஞ்ஞானிகள் குழு ஆகியோர் வெளியிட்ட ஆய்வுக் கட்டுரையின் வரிகளும் மேற்கோள் காட்டப்பட்டுள்ளதாக தகவல்கள் தெரிவிக்கின்றன. இந்த ஆய்விலும் சில சந்தேகங்கள் தொடர்ந்து இருந்துவருகின்றன என்பதும் குறிப்பிடத்தக்கது.

நீக்கப்பட்ட ட்விட்டர் கணக்கு
நீக்கப்பட்ட ட்விட்டர் கணக்கு

ஸீரோ ஹெட்ஜின் முகநூல் பக்கத்தில் 50,000 மற்றும் ட்விட்டரில் 6,70,000 ஃபாலோயர்கள் உள்ளனர். இந்தக் கட்டுரையை அவர்கள் சமூக வலைதளங்களில் பகிர்ந்ததும் நெட்டிசன்களிடையே அதிகமான வரவேற்பை பெற்றது. இதனைத் தொடர்ந்து ஸீரோ ஹெட்ஜின் ட்விட்டர் கணக்கு நிறுத்தப்பட்டது. இதுதொடர்பாக ட்விட்டர் நிறுவனத்தின் செய்தித் தொடர்பாளர், ``தனிநபரின் விவரங்களைப் பதிவிட்டு ட்விட்டரின் கொள்கைகளை மீறியதற்காக நிரந்தரமாக நீக்கம் செய்யப்படுகிறது" என்று அறிவித்துள்ளார்.
Read More

Tuesday, 12 November 2019

தட்டச்சு இயந்திரத்தை டகடகவென அடிக்கும் ஆவிகள்! அமெரிக்காவின் மர்மமான நூலகம் | Ghost Library in America

November 12, 2019 1

அமெரிக்காவின் வயோமிங் மாநிலத்தில் உள்ள கிரீன் ரிவர் நகர நூலகம் அமானுஷ்யமான நிகழ்வுகள் மிகவும் பெயர் பெற்றது. நூலகத்தில் நடக்கக்கூடிய மர்மமான நிகழ்வுகளை பதிவு செய்வதற்காக பேய் பதிவேடு என்ற ஒரு தனி கையேட்டையே வைத்திருக்கிறார்கள் என்றால் பார்த்துக்கொள்ளுங்களேன். கடந்த 1998 முதல் இங்கு நடக்கும் அமானுஷ்ய விஷயங்களை அந்தப் பதிவேட்டில் பதிவு செய்து வருகிறார்கள்.

1980-ஆம் ஆண்டு இந்த நூலகம் திறக்கப்பட்டது போது அதில் எவ்வித பிரச்சனையும் இல்லை. ஆனால், 1860 காலத்தைச் சேர்ந்த ஒரு கல்லறை பகுதியில் நூலகம் கட்டப்பட்டது தான் இந்த மர்ம நிகழ்வுக்கு காரணம் என்று கூறுகிறார்கள். நூலக கட்டிடத்தில் இரவில் படபடவென்று அடித்துக் கொண்டு ஒரு ஓசை ஓடுவதாக அங்குள்ள காவலர்கள் கூறுகின்றனர். அங்குள்ள கலைப்பிரிவில் பகல் நேரத்தில் ஒளிப் புள்ளிகள் மிதப்பதை கண்டதாக சிலர் சொல்கிறார்கள்.

ஒரு சமயம் நூலக ஊழியை ஒருவர் தனது கணினியில் பணிபுரிந்து கொண்டிருந்தார் அப்போது அவர் அனிச்சையாக சில நொடிகள் வேறு பக்கம் நோக்கம் விட்டு மீண்டும் தனது கணினி திரையை பார்த்தபோது அதில் அந்தப் பெண்ணின் பெயர் பெரிய எழுத்துக்களில் ஒளிர்ந்து கொண்டிருந்தது. இத்தனைக்கும் அப்படி பெயரை தட்டச்சு செய்வதற்கு அவர் கணினியில் அப்போது வசதி கிடையாது.

நூலகத்துக்கு கணினியில் வரும் முன் அங்கு மின் தட்டச்சு எந்திரங்கள் தான் பயன்பாட்டில் இருந்துள்ளது. சில சமயங்களில் தகதகவென்று அவை தானாக அடிக்க தொடங்குமாம். பெரும்பாலும் தட்டச்சு இயந்திரத்தில் எந்த பேப்பரும் இல்லாதபோதுதான் இப்படி தானாக அடிப்பது நடக்கிறது. எனவே ஆவிகள் எதுவும் செய்தியை சொல்லவில்லை. பின் அவை என்ன தட்டச்சு செய்தன என தெரியவில்லை. தட்டச்சு இயந்திரத்தில் தாளை சொருகிவிட்டு சில ஊழியர்கள் பொறுமையாக காத்திருந்து பார்த்தார்கள், அப்போது தட்டச்சு இயந்திரம் தானாக அடிக்கவில்லை. ஒருவேளை ஆவிகளுக்கு மூடு இல்லை போல

Read More

Saturday, 2 November 2019

லண்டனில் கண்டுபிடிக்கப்பட்ட மர்மமான இறக்கையுடன் கூடிய சிறிய மனித எலும்புக்கூடு!

November 02, 2019 0
19-ஆம் நூற்றாண்டைச் சேர்ந்த அரிய பொருட்கள் சேவைகளின் வீட்டில் கண்டுபிடிக்கப்பட்ட இந்த இறக்கையுடன் கூடிய பதப்படுத்தப்பட்ட எலும்புக்கூடு வேற்றுகிரகவாசி என சந்தேகங்கள் எழுந்துள்ளது.

லண்டனில் ஒரு வீட்டிற்கு கீழே சில வித்தியாசமான எலும்புக்கூடுகள் இருப்பதாக கிடைத்த தகவலை அடுத்து அதிகாரிகள் அங்கு சென்று ஆய்வு நடத்தியபோது அந்த இடத்தில் இறக்கைகளுடன் கூடிய இதுவரை பூமியில் பார்த்திராத வித்தியாசமான எலும்புக்கூடுகளும் வேறு சில சிறிய பதப்படுத்தப்பட்ட மர்மமான உயிரினங்களின் உடலும், ஜாடிகளில் அடைக்கப்பட்ட மனிதர்களின் இதயம் போன்ற உறுப்புகளும் இருப்பது கண்டுபிடிக்கப்பட்டது. இன்னும் சில வித்தியாசமான பொருட்கள் சுவற்றில் மாற்றும்படி பிரேம் செய்யப்பட்டும் இருந்துள்ளது.

இதைத்தொடர்ந்து நடத்தப்பட்ட விசாரணையில் 1800-களில் வாழ்ந்த தாமஸ் தியோடார் மெர்லின் எனும் உயிரியலாளர்-ன் வீடுதான் அது என்றும், அவர் தான் இந்த மர்மமான உயிரினங்களின் உடலை சேமித்து வைத்திருந்தார் என்பதும் தெரியவந்தது. 1960-களில் லண்டனின் அந்த குறிப்பிட்ட பகுதியில் இருந்த பழைய வீடுகளை இடித்துவிட்டு புதிய கட்டிடங்களை கட்டி உள்ளார்கள். அந்த சமயத்தில் இந்த வீடு கைவிடப்பட்டுள்ளது. குறிப்பிட்ட அந்த வீட்டின் பாதாள அறையிலிருந்து தான் இவைகள் மீட்கப்பட்டுள்ளது.

தாமஸ் தியோடர் மெர்லின் தனது குறிப்புகளில் எழுதியிருந்ததை, ஓவியர் அலெக்ஸ் சி.எப் என்பவர் முதலில் கண்டறிந்து, அதன் பிறகே அதிகாரிகளுக்கு தகவல் தெரிவித்துள்ளார். அந்த டைரியில் மேலும் பல புரியாத குறிப்புகள் எழுதப்பட்டுள்ளன.

இதைப் பற்றி குறிப்பிட்ட அதிகாரிகள் கூறும்போது, அந்த டைரியில் இருந்த குறிப்புகள் மூலமாகவே இந்த இடத்தை கண்டுபிடிக்க முடிந்தது. எனவே அதில் உள்ள மற்ற குறிப்புகளையும் புரிந்து கொண்டால் இன்னும் பல ரகசியங்கள் வெளிப்பட வாய்ப்பு உள்ளது என கூறியுள்ளார்கள்.

தற்போது கிடைத்த மர்மமான பொருட்கள் ஏலியன் சம்பந்தப்பட்டதாக இருக்குமா என்ற கோணத்திலும் ஆய்வுகள் நடந்து வருகின்றன.
Read More

Friday, 1 November 2019

2000 கோடி மதிப்புள்ள போதைப் பொருளை சாஸ் பாட்டிலில் கடத்தி வந்த கொள்ளையர்கள், மடக்கிப் பிடித்த ஆஸ்திரேலிய போலீஸ்!

November 01, 2019 0
கடந்த அக்டோபர் 15-ஆம் தேதி ஆஸ்திரேலியாவின் சிட்னி விமான நிலையத்திற்கு, அமெரிக்காவிலிருந்து சந்தேகப்படும் படியான ஒரு சரக்கு பெட்டக வந்துள்ளது. அதனுடைய ஆவணங்களை சரிபார்த்து ஆஸ்திரேலிய அதிகாரிகள் அதில் ஏதோ குளறுபடி இருப்பதாக சந்தேகித்ததால் அதைக் கொண்டு வந்த நான்கு நபர்களை தனியாக அழைத்து விசாரித்தபோது அவர்கள் முன்னுக்குப்பின் முரணாக பதில் அளித்தார்.


சில்லி சாஸ் எனக்கு குறிப்பிடப்பட்டிருந்த அந்த பெட்டியை திறந்து பார்த்தபோது அதில் சில்லி சாஸ் பாட்டில்கள் தான் இருந்தது. இருந்தாலும் சந்தேகத்தை தீர்த்துக் கொள்வதற்காக அதிலிருந்த சில பாட்டில்களை திறந்து சோதித்தபோது அதில் மெத்திலம் பெட்டமைன் என்கிற போதைப்பொருள் கலந்திருந்தது தெரியவந்தது.

உடனே அந்த நால்வரையும் கைது செய்ததோடு ஒட்டுமொத்த பாட்டில்களையும் சோதனைக்கு உட்படுத்தினார்கள். இதில் 400 கிலோ அளவுள்ள அதே ரக போதை பொருட்கள் இருந்தது. இதன் மதிப்பு 272 மில்லியன் டாலர்கள். அதாவது, நமது இந்திய மதிப்பில் கூறவேண்டுமானால் சுமார் 1930 கோடியை தாண்டும்.

400 கிலோ என்பது மிகப்பெரிய அளவு என்பதால் இந்த நான்கு நபர்கள் மட்டும் அல்லாமல் இவர்கள் பின்னால் பெரிய கூட்டமே இருக்கும் என ஆஸ்திரேலிய போலீசார் தேடுதல் வேட்டையில் ஈடுபட்டு வருகின்றனர்.
Read More

Monday, 28 October 2019

25 வருடங்களுக்கு பிறகு தன் குழந்தைப் பருவ புத்தகத்தை அருங்காட்சியத்தில் கண்டுபிடித்த பெண்!

October 28, 2019 0
ஒருவர் சிறுமியாக இருந்தபோது தன் பெயரை எழுதிய புத்தகத்தை மீண்டும் பல ஆண்டுகளுக்குப் பிறகு கண்டுபிடித்துள்ளார்.

இங்கிலாந்தைச் சேர்ந்த ஜோ அண்ட்ரோஸ் மற்றும் அவரது சகோதரி ஹெனா, இவர்கள் சிறுமிகளாக இருந்தபோது தி சீக்ரட் கார்டன் என்ற புத்தகத்தை வைத்திருந்தார்கள். அப்போது அவர்கள் அந்த புத்தகத்தில் ஹேனா என எழுதியுள்ளார்கள். பின்னர் அவர்கள் வளர்ந்து விட்டதால் அந்தப் புத்தகத்தை சில ஆண்டுகளில் ஆக்ஸ் ஃபார்ம் சேரிட்டி ஃசாப் என்ற அமைப்பிற்கு நன்கொடையாக கொடுத்து விட்டார்கள்.

சமீபத்தில் 35 வயதான ஜோ ஒரு பழைய புத்தக அருங்காட்சியகத்தில் தி சீக்ரட் கார்டன் என்ற பெயர் கொண்ட புத்தகத்தை பார்த்துள்ளார். அந்தப் பெயரைப் பார்த்தவுடன் தன்னுடைய குழந்தைப் பருவம் நினைவிற்கு வரவே அதை திறந்து பார்த்தபோது அவரும் அவருடைய சகோதரி ஹேனாவும் சிறு வயதில் நன்கொடையாக கொடுத்த அதே புத்தகம் தான் அது என்பதை அந்த புத்தகத்தின் முன் பக்கத்தில் இருந்த கையெழுத்து மூலம் கண்டுபிடித்தார்.

அதைப்பற்றி பத்திரிகையாளர்கள் ஜோ-விடம் கேட்டபோது இப்படி ஒரு ஆச்சர்யம் காத்திருக்கும் என நான் எதிர்பார்க்கவே இல்லை. இதில் என்னுடைய மற்றும் என் சகோதரியின் பல நினைவுகள் உள்ளது எனக்கூறி, 50 பவுண்டுகள் கொடுத்து அந்த புத்தகத்தை மீண்டும் வாங்கிவிட்டார். 50 பவுண்டுகள் என்பது இந்திய மதிப்பில் சுமார் 4500 ரூபாய் இருக்கும்.
தற்போது இந்த செய்தி சமூக வலைதளங்களில் வேகமாக பரவி வருகிறது
Read More

Wednesday, 2 October 2019

உலக அதிசயங்கள் ஏன் 7 மட்டும் உள்ளது?

October 02, 2019 0

நமது இந்தியாவில் உள்ள தாஜ்மஹால் உலகின் ஏழு அதிசயங்களில் ஒன்று என்பது நாம் அறிந்ததுதான். ஆனால் ஏன் ஏழே ஏழு உலக அதிசயங்களை மட்டும் குறிப்பிட்டு கூறுகிறார்கள், ஏன் 8 9 10 என உலக அதிசயங்களை நிர்ணயிக்கலாமே. அப்படி என்றாவது இதைப்பற்றி நீங்கள் யோசித்தது உண்டா அப்படி யோசித்ததன் விளைவுதான் இந்த தொகுப்பு.

வலைத்தளம் முழுவதும் தேடி நான் தெரிந்துகொண்ட விஷயங்களை நீங்களும் தெரிந்து கொள்ளவே இவ்வாறு பதிவு செய்யப்பட்டுள்ளது. ஏழு அதிசயங்களை மட்டும் குறிப்பிட்டு உள்ளார்கள் என்றால் ஏழு என்பது அனைத்து மதம் மற்றும் கலாச்சாரங்களின் ஒரு சிறப்பு மிகுந்த எண் ஆகும். மனிதனுடைய வாழ்க்கையில் மட்டும் அல்லாமல் இயற்கையாகவே எல்லா இடங்களிலும் குறிப்பிட்டு கூறக்கூடிய ஒரு எண் தான் இந்த ஏழு.

எடுத்துக்காட்டாக, சில உதாரணங்களை கூற வேண்டுமானால், நீங்கள் உங்கள் தாத்தா பாட்டியிடம் கதை கேட்டீர்கள் என்றால் அவர்கள் ஆரம்பிக்கும் போது ஒரு ஊரில் என ஆரம்பித்து ஏழு கடல் ஏழு மலை தாண்டி என்ற வார்த்தைகள் கண்டிப்பாக இடம்பெறும் படியான கதைகளை நிறையவே கூறியிருப்பார்கள். வானவில் கூட VIBGYOR என ஏழு நிறங்கள் கலந்த கலவையாக தான் புறப்படுகிறது மற்றும் இந்த ஏழு நிறங்கலாள் தான் வெளிச்சம் கிடைப்பதாகவும் அறிவியலாளர்கள் கூறுகிறார்கள். மனிதன் தலைப்பகுதியில் கூட அதாவது கழுத்திற்கு மேல் ஒரு வாய் இரண்டு காது இரண்டு கண் மற்றும் மூக்கு துவாரம் என ஏழு துளைகள் தான் உள்ளது. பழங்கால இஸ்லாமிய இதிகாசங்களில் கூட 14 லோகங்கள் குறிப்பிடப்பட்டிருக்கும். ஆனால் அதை நேரடியாக 14 எனக் கூறாமல் ஈரேழு பதினாலு அதாவது ஏழு சொர்க்கம் ஏழு நரகம் என குறிப்பிட்டு இருப்பார்கள். எகிப்திய மக்கள் கூட பாரம்பரியமாக 7 எனும் என்னை சாகா வரத்தை குறிப்பிடக்கூடிய குறியீடாகத்தான் பார்க்கிறார்கள். ஜப்பானியர்களின் புராணக் கதைகளில் கூட 7 அதிர்ஷ்ட கடவுள்கள் இருப்பார்கள். இந்து மதத்தில் மனிதனுக்கு ஏழு பிறவி இருக்கு என சொல்லுவார்கள். அது மட்டும் இல்லாமல் உலகத்தில் ஒரே மாதிரி ஏழு பேர் இருப்பார்கள் என பலர் கூறி நாம் கேட்டிருப்போம். யோகாசனத்தில் கூட மனித உடம்பில் ஏழு சக்கரங்கள் இருப்பதாகவும் அது சீராக செயல்பட்டால் உடல் ஆரோக்கியம் மிகுந்ததாக இருக்கும் எனவும் கூறுகிறார்கள்.

இவை அனைத்தும் மிகச் சிறிய எடுத்துக்காட்டுகள் தான். இது போல இன்னும் ஏழு என்ற எண்ணை வைத்து பல நம்பிக்கைகளும் நிகழ்வுகளும் உள்ளன. ஏன் உள்ளன என்பதற்கான ஒரு சிறிய காரணத்தை தெரிந்து கொண்டோம். அடுத்ததாக தற்போது உள்ள ஏழு உலக அதிசயங்கள் எவை எவை என்பதை காணலாம்.

1. சீனப் பெருஞ்சுவர் (The Great Wall of China)

கிமு 200-களில் அந்நியர்களின் ஊடுருவல் மற்றும் படையெடுப்பைத் தடுப்பதற்காகவே சுமார் 21196KM நிலத்தில் கட்டப்பட்ட ஒரு பெருஞ்சுவர் தான் சீனப்பெருஞ்சுவர். ஆரம்ப காலத்தில் சிறு சிறு நாடாக பல சிற்றரசர்களின் கையில் இருந்த இடங்களை ஒன்றாக இணைத்து தற்போது உள்ள மிகப்பெரிய நாடான சீனாவை உருவாக்கியது ஃகின் ஸீ ஃகாங்க் என்ற பேரரசர் தான். ஆனால் இந்த ஒருங்கிணைப்புக்கு பிறகும் மற்ற சிறிய நாடுகளின் படையெடுப்பு இருந்துகொண்டே இருந்தது. தங்கள் எல்லையை பாதுகாத்து கொள்ள எண்ணி தான் அந்த அரசர் இவ்வளவு நீளமான சுவரை எழுப்பி உள்ளார்.

இதை வெறும் பாதுகாப்பிற்கு மட்டும் பயன்படுத்தாமல் போக்குவரத்து பாதையாகவும் பயன்படுத்தி அதில் செய்பவர்களிடமிருந்து வியாபார பொருட்களை எடுத்துச் சென்றால், அதற்கு சுங்க வரியும் வசூலிக்கப்பட்டது. ஆனால் இந்த பிரமாண்டமான சீனபெருஞ்சுவர் தற்போது அழியும் நிலையில் உள்ளது. தற்சமயம் இடையே உடையாமல் ஒரே நீளமாக உள்ள அதன் அதிகபட்ச நீளம் வெறும் 8250 கிலோ மீட்டர்கள் தான். தற்போது அங்குள்ள மக்கள் அந்த சுவரில் உள்ள வலுவான கற்களை சொந்த பயன்பாட்டிற்காக எடுத்துச் செல்வதாக பல புகார்கள் குவிந்துள்ளன.

2. ஜோர்டான் நாட்டின் பெட்ரா நகரம் (Jordon's Petra)

இந்த நகரம் முழுவதும் ஒரே ஒரு பாறையை குடைந்து செதுக்கப்பட்ட நகரம். கிமு நான்காம் நூற்றாண்டில் உருவாக்கப்பட்டிருக்கலாம் என ஆய்வாளர்கள் கூறுகிறார்கள். இது ஒரு பாலைவன நாடாக இருப்பதால் இந்த இடத்தை ஒருமுறை கிரேக்கர்கள் படையெடுத்தபோது அங்கு ஆட்சி செய்தவர்களிடம் வீழ்ச்சி அடைந்தார்கள். பிறகு கிபி 106-ஆம் ஆண்டு அந்த இடத்தை ரோமானியர்கள் கைப்பற்றினார்கள். அதற்குப் பிறகு இந்த இடத்தை பற்றிய எந்த தகவலும் இல்லாத நிலையில் 1812-ஆம் ஆண்டு ஜான் லுதுவிக் பர்கார்ட் என்ற தொல்பொருள் ஆய்வாளர் தன்னுடைய குழுவுடன் இந்த பெட்ரா நகரத்தை கண்டுபிடித்தார்.

1985-இல் இந்த இடத்தை யுனஸ்கோ பாரம்பரிய சின்னங்களில் ஒன்றாக அறிவித்தது. அங்கு வாழ்ந்த மக்கள் பாறைகளை குடைந்து அதற்குள் கட்டிடங்களை அமைப்பதில் கைதேர்ந்தவர்களாக இருந்துள்ளார்கள் அத்துடன் பாலைவனப் பகுதியாக இருந்ததால் மழை நீர் சேகரிப்பு செய்வதிலும் சிறந்து செயல்பட்டுள்ளார்கள். அதனாலேயே தற்போது இந்த நகரம் உலக அதிசயங்களில் ஒன்றாக உள்ளது.

3. கொலூசியம் (Colosseum)

இத்தாலியில் உள்ள இந்த கட்டிடமானது ஒரே நேரத்தில் 50000 முதல் 80000 ஆயிரம் மக்கள் கூடும் அளவிற்கு மிகப்பெரிய திடல். இதை நாடகம், விழா, விளையாட்டு போன்றவைகள் நடக்கக்கூடிய அரங்கமாக உபயோகித்துள்ளார்கள். அந்த காலத்தில் ரோமானிய மன்னர்களான வெஸ்பேசியன் மற்றும் அவரது மகன் டைட்டஸ் காலத்தில் கிபி 80-ல் இந்த கட்டிடத்தை கட்டியுள்ளார்கள்.

கிட்டத்தட்ட கடந்த 2000 வருடங்களில் பல நிலநடுக்கங்களையும் இயற்கைச் சீற்றங்களையும் இந்த கட்டிடம் சந்தித்துள்ளது. ஆனாலும் இவ்வளவு ஆண்டுகள் கடந்தும் மிகப்பழமையான கட்டிடம் ஆக இருப்பதால் பல சுற்றுலா பயணிகளை கவர்ந்து இழுக்கிறது. இந்த கட்டிடத்தை பெருமைப்படுத்தும் விதமாக இதன் உருவப்படம் அடங்கிய நாணயங்களை ஐரோப்பியர்கள் வெளியிட்டுள்ளனர்.

4.சிச்சன் இட்ஸா (Chichen Itza)

சிச்சன் இட்ஸா கட்டமைப்புகளை மாயன் பிரமிடுகள் என்றும் அறிஞர்கள் குறிப்பிடுகிறார்கள். செயற்கையாக உருவாக்கப்பட்ட இந்த அமைப்பானது ஒரு நகரமாக இருந்து அங்கு மக்களும் வாழ்ந்து உள்ளார்கள். மாயன் என்று அழைக்கப்பட்ட மக்கள் தான் இதனுள் வாழ்ந்ததாக ஆய்வு முடிவுகள் தெரிவிக்கின்றன. குறிப்பாக கூற வேண்டுமென்றால் மாயன் இன மக்கள் அதிக அளவில் வாழ்ந்த இடங்களில் சிச்சன் இட்ஸா தான் மிக முக்கியமான நகரம்.

மெக்சிக்கோவில் உள்ள இந்த கட்டிடமானது அந்நாட்டின் நேஷனல் இன்ஸ்டிடுயூட் ஆஃப் ஆந்த்ரோபாலஜி என்ற அமைப்பால் பராமரிக்கப்பட்டு வருகிறது. ஆனால், இதன் அடி நிலம் மட்டும் 2010 வரை வேறு ஒரு தனி நபருக்கு சொந்தமானதாக இருந்துள்ளது. 2010-ற்கு பிறகு அரசாங்கமே அந்த நிலத்தை எடுத்துக் கொண்டது. இந்த இடத்தை கிபி 750 லிருந்து 900 ஆண்டு வரை மேலோட்டமாக உருவாக்கி அதன் பின் தான், முழு நகரமாக மாற்றி இருக்கிறார்கள். இதில் மாயன் மற்றும் மெக்ஸிகன் கலாச்சாரங்கள் இரண்டையும் கலந்து கட்டி இருப்பது கவனிக்கத்தக்க ஒன்றாகும்.

5. மச்சு பிச்சு (Machu Picchu)

மலை உச்சியில் அமைந்துள்ள ஒரு பழங்கால நகரம் தான் மச்சு பிச்சு. 1450-ல் தான் இந்த நகரத்தை உருவாக்கி உள்ளார்கள். ஆனால் ஸ்பானிஷ் காரர்களின் படையெடுப்பு காரணமாக, இந்த இடத்தை விட்டு விட்டு சென்று விட்டார்கள் அங்கு வசித்த மக்கள். அதற்கு பின் யாருக்கும் இந்த மலை மேல் இப்படி ஒரு நகரம் இருப்பது தெரியாமல் போனது. ரொம்ப காலத்திற்கு பின் 1911-ஆம் ஆண்டு தான் ஹிராம் பின்காம் எனும் வரலாற்று ஆராய்ச்சியாளர் மச்சு பிச்சுவை தேடி கண்டுபிடித்துள்ளார். 

தென் அமெரிக்காவின் பெரு நாட்டில் உள்ள இது, கண்டுபிடிக்கப்பட்ட பிறகு பல புதுப்பிப்பு பணிகளை மேற்கொண்ட பின் தற்போது ஒரு நல்ல சுற்றுலாத் தளமாக இயங்கி வருகிறது. 1983-ல் யுனஸ்கோ இதை உலக பாரம்பரிய சின்னமாக அறிவித்தது.
எந்திரன் படத்தில் வரும் கிளிமஞ்சரோ எனும் பாடல் இந்த இடத்தில் தான் படமாக்கப்பட்டது என்பது குறிப்பிட்தக்கது.

6. தாஜ்மஹால் (Taj Mahal)

தாஜ்மஹாலை பற்றி சொல்லித் தான் தெரிய வேண்டும் என்ற அவசியம் இல்லை. இது முழுக்க முழுக்க பளிங்கு கல்லால் 73 மீட்டர் உயரத்திற்கு கட்டப்பட்ட ஒரு பிரம்மாண்ட கட்டிடம் தாஜ்மஹால் என்பது ஒரு அரேபிய வார்த்தை இதற்கு தமிழில் அரண்மனைகளின் கிரீடம் என்பது பொருள். இது உத்தரபிரதேச மாநிலத்தின் ஆக்ராவில் யமுனை நதிக்கரையில் அமைந்துள்ளது. இந்த பிரமாண்டத்தை உஸ்தாத் அகமது குவாரி என்ற கட்டிடக்கலைஞர் கட்டினார்.

இது 1632-ல் கட்ட ஆரம்பிக்கப்பட்டு 1653-ல் கட்டிமுடிக்கப்பட்டது. இதற்காக கட்டுமான செலவானது, அன்றைய கணக்குப்படி மூன்று கோடியே இருபது லட்சம் ஆகும். இந்த மதிப்பானது 2015 ஆம் ஆண்டு கணக்குப்படி 5280 கோடி என்பதும் குறிப்பிடத்தக்கது. 1983-இல் தான் இது உலக பாரம்பரிய சின்னமாக அறிவிக்கப்பட்டது.

7. கிறிஸ்ட் தீ ரிடமிர் சிலை (Statue of Christ the Redeemer)

பிரேசிலின் பழைய தலைநகரமான ரியோவில் அமைந்துள்ள இயேசுநாதரின் பிரம்மாண்ட சிலை தான் இது. பிரான்ஸ் நாட்டைச் சார்ந்த பால் லடெவ்ஸ்கி என்பவரால் திட்டம் மற்றும் வடிவமைப்பு உருவாக்கப்பட்டு உலகின் தலைசிறந்த என்ஜினியர்கள் மூலம் இந்த சிலை வடிவமைக்கப்பட்டது. 

700 மீட்டர் உயரம் உள்ள கொர்க்கவேடோ என்ற மலையில் 30 மீட்டர் உயரத்தில் இது கட்டப்பட்டுள்ளது. இந்த சிலையின் கைகள் இரண்டும் 28 மீட்டர் நீளத்திற்கு விரிந்து காணப்படுகிறது. 1922-ல் கட்ட ஆரம்பித்து 1931-இல் கட்டி முடிக்கப்பட்டும் உள்ளது என்பது குறிப்பிடத்தக்கது.

தற்போது உள்ள உலக அதிசயங்கள் ஏழும் 2000-ம் ஆண்டில் இருந்து 2007 ஆம் ஆண்டு வரை உலக மக்களிடம் வாக்கு சேகரிக்கப்பட்டு அதன் அடிப்படையிலேயே ஏழு உலக அதிசயங்களாக இவற்றை அறிவித்தார்கள். அதனால் 2007-ம் ஆண்டுக்கு முன்பு வரை வேறு சில பிரம்மாண்டமான உலக அதிசயங்கள் இருந்துள்ளன.

Read More