HybridAnalyzer Tamil: tamil

Hot

Showing posts with label tamil. Show all posts
Showing posts with label tamil. Show all posts

Wednesday, 9 December 2020

கட்டை விரல் நீளம் மட்டுமே வளரும் குட்டி குரங்குகள்.!

December 09, 2020 1

ங்கிலாந்தில் உள்ள செஸ்டர் (Chester) உயிரியில் பூங்காவில் உலகத்திலேயே சிறிய வகை குரங்கான மார்மோசெட் எனப்படும் அரிய வகை குக்குரங்கினங்கள் உள்ளன. இந்த உயிரியல் பூங்காவில் சோய் மற்றும் பால்டிரிக் என்ற குரங்குகளுக்கு கடந்த செப்டம்பர் 6 ம் தேதி இரட்டையர்களாக இரண்டு குரங்கு குட்டிகள் பிறந்தன. இந்த குக்குரங்குகள் இப்போது வெறும் 5 சென்டி மீட்டர் நீளமே உள்ளன. அதன் எடை  வெறும் 10 கிராம்  மட்டுமே இருக்கிறது. இந்த அழகு குரங்கு குட்டிகள் இப்போது பொதுமக்கள் பார்வைக்கு அனுமதிக்கப்பட்டுள்ளன.


 குக்குரங்கு என்பது உலகிலேயே மிகவும் குட்டியான குள்ளக்குரங்காகும். இந்த வகை குக்குரங்குகள் தென்அமெரிக்காவில் அமேசான் மழைக்காடுகளில் வாழக்கூ டியவை. மிகவும் சிறிய உருவுடன் காணப்படும், இந்த குரங்குகளின் வாலை விட்டுவிட்டுப் பார்த்தால் உடல் நீளம் 14 முதல் 16 செமீ மட்டுமே இருக்கும். வளர்ந்த குரங்குகளின் மொத்த எடையே 100 கிராம் வரைதான் இருக்கும்.

பிக்மி மார்மோசெட் (Pigmy Marmoset)எனப்படும் இந்த வகை குக்குரங்குகள் மரங்களில் வடியும் பிசினைத்தான் உணவாக உண்ணுகின்றன. இந்த குரங்குங்கள் இயற்கையில் ஏறத்தாழ 11 அல்லது 12 ஆண்டுகள் வரை உயிர் வாழக்கூடியவை. ஆனால் உயிரியல் பூங்காக்களில் 20 ஆண்டுகளுக்கும் மேலாக வாழ்ந்திருக்கின்றன. அளவில் குட்டியாக இருந்தாலும் இந்த குக்குரங்குகள் மரத்திற்கு மரம், கிளைக்கு கிளை 16 அடி வரை ஒரே தாவாக தாவக்கூடியவை.

இந்த அரிய வகை குக்குரங்குகள் ,பொதுவாக பிறக்கும்போது இரட்டை குரங்குகளாகத்தான் பிறக்குமாம். அது போலவே இந்த செஸ்டர் உயிரியல் பூங்காவில் பிறந்துள்ள இந்த அதிசய இரட்டைப்பிறவி குட்டி குரங்குகள் தாய் குரங்கிடம் உணவு எடுத்துக்கொள்வதும், தாயுடன் கொஞ்சி விளையாடி அதன் முதுகிலேயே சுகமாக பயணிப்பதும் பார்ப்பதற்கே வேடிக்கையாகவும் சுவாரஸியமாகவும் இருக்கின்றது. இந்த அதிசய இரட்டைப்பிறவிகளை பார்க்க உயிரியல் பூங்காவில் மக்கள் கூட்டம் அலை மோதுகிறது. 

இந்த உயிரியல் பூங்காவின் விலங்குகள் காப்பாளர் ஹோலி வெப், ”இந்த குக்குரங்குகள் இப்போது ஒரு எலுமிச்சை பழம் அளவிலேயே உள்ளன. அப்படியானால் இவை பிறக்கும் போது எந்த அளவில் இருந்திருக்கும் என்று நினைத்துப்பாருங்கள்” என்று கூறியுள்ளார்.

Read More

Thursday, 22 October 2020

பெரம்பலூர் அருகே கிடைத்த 12 கோடி வருட பழைய டைனோசர் முட்டைகள்!

October 22, 2020 0
12 கோடி ஆண்டுகளுக்கு முந்தைய டைனோசர்களின் முட்டைகள் தமிழ்நாட்டின் பெரம்பலூர் அருகே கண்டு பிடிக்கப்பட்டு உள்ளது என கூறப்படுகிறது.
பெரம்பலூர் அருகே பல கோடி ஆண்டுகளுக்கு முன்பு வாழ்ந்த டைனோசர்களின் நூற்றுக்கும் மேற்பட்ட முட்டைகள் உள்ளிட்ட ஏராளமான கடல் வாழ் உயிரினங்களின் படிமங்கள், ஒரே இடத்தில் கண்டெடுக்கப்பட்டு உள்ளன. 

பெரம்பலூர் அருகே குன்னம் பெரிய ஏரியில் நேற்று மண் எடுத்து கொண்டிருந்தபோது, அம்மோனைட் எனப்படும், கடல்வாழ் நத்தைகளின் படிமங்களும் சிதைவுற்ற நிலையில் கிடைத்துள்ளது. மேலும் அந்த ஏரியில் டைனோசர் முட்டை போல் பெரிய உருண்டை வடிவிலான படிமங்கள் கிடைத்துள்ளன. அதனை புவியியல் ஆய்வாளர் வந்து பார்வையிட்டு, அது டைனோசர் முட்டையா?, இல்லையா? என்பதை உறுதிப்படுத்த வேண்டும் என்று பொதுமக்கள் கோரிக்கை விடுத்துள்ளனர்.

அந்த கடல்வாழ் நத்தைகளின் படிமங்களையும், உருண்டை வடிவிலான படிமங்களையும் வருவாய்த்துறையினர் கைப்பற்றி வருவாய் ஆய்வாளர் அலுவலகத்தில் பாதுகாப்பாக வைத்துள்ளனர். மேலும் குன்னம் கிராமத்தில் கண்டுபிடிக்கப்பட்டுள்ள கல்படிமங்களை அதே இடத்திலும் பாதுகாத்தும், சிலவற்றை அதன் அருகிலுள்ள பள்ளிகளிலும் சேகரித்து வைத்தும் உள்ளூர் அளவிலான காட்சியகங்கள் ஏற்படுத்தி பாதுகாக்க மாவட்ட நிர்வாகம் நடவடிக்கை எடுக்க வேண்டும். மேலும் கல்படிமங்கள் கிடைக்கப்பட்டுள்ள பகுதிகளை தொல்லியல் பாதுகாப்பு மண்டலமாக அறிவிக்க வேண்டும் என்று சமுக ஆர்வலர்களும், பொதுமக்களும் கோரிக்கை விடுத்துள்ளனர்.

இந்த் டைனோசர் முட்டைகள் மாமிச கார்னோட்டாரஸ் (Carnotaurus) மற்றும் இலைகள் மட்டும் உண்ணும் சைவ சவுரபோட் டைனோசரின் முட்டைகளாக இருக்கலாம் என கூறப்படுகிறது.

டைனோசர் முட்டைகளாக இருந்தால் இது சுமார் 12 கோடி முதல் 14 கோடி ஆண்டுகளுக்கு முந்தைய காலத்தை சேர்ந்தவையாக இருக்கலாம் என தொல்லியல் துறை ஆய்வாளர்கள் தெரிவிக்கின்றனர்.

இந்த தனித்துவமான கார்னோட்டாரஸ் டைனோசர்கள் தென் அமெரிக்க கண்டத்தில் சுற்றித் திரிந்தன, மேலும் சில அசாதாரண உடல் குணங்கள் இருந்தபோதிலும், அவை மிகவும் ஆதிக்கம் செலுத்தும் வேட்டையாடுபவைகளாக இருந்தன.

கார்னோட்டரஸ் வேகம் மற்றும் சுறுசுறுப்பான விலங்கினம், 1.5 டன் வரை எடையும், சுமார் 30 அடி நீளமும் கொண்டது. பெரிய கால் தசைகள் கொண்ட,மிகவும் திறமையான வேட்டையாடும் ஒன்று என கூறப்படுகிறது.
Read More

Sunday, 18 October 2020

கவிஞர் கண்ணதாசன் பற்றிய 35 சுவாரசியமான விஷயங்கள்!

October 18, 2020 0

1.கண்ணதாசனுடைய முதல் மனைவி பெயர் "லீலாவதி" . இவர் ஒரு விலைமகளாவார். திருமணமான சில மாதங்களிலேயே, கண்ணதாசனைப் பிரிந்துபோய் விட்டார். எனினும், இது முறையற்ற திருமணம் என்பதால், கண்ணதாசனின் திருமணக்கணக்கில் பதிவாகவில்லை.



2.கண்ணதாசன், எட்டுநாட்களில், ஏறத்தாழ 96 மணி நேரத்தில், குற்றாலத்தில், "இயேசு காவியம்" என்ற காவியத்தையே இயற்றிமுடித்தாா். இது ஒரு அசாத்திய சாதனை நிகழ்வாக இன்றளவும் உள்ளது.

3."அம்பிகை அழகு தரிசனம்" என்ற நூறு பாடல்களடங்கிய நூலையும், கண்ணதாசன் இயற்றியது, சாதனையான நிகழ்வாகும். இந்த நூலை, ஒரே நாளில் இயற்றினாரென்றும், மூன்றுநாட்களில் இயற்றினாரென்றும் இருவேறு கருத்துக்கள் நிலவுகின்றன.

4.கண்ணதாசன், திருக்குரானுக்கும் உரையெழுத முயன்றார். இஸ்லாமியரின் கடும் எதிர்ப்பு காரணமாக, அம்முயற்சியைக் கைவிட்டார்.

5.கண்ணதாசன் எதிர்பார்த்தது போலவே, அவருடைய ரசனைக்கு, மிகவும் பொருத்தமாக ஒரு காதலி வாய்த்தார். அவர் பெயர் "பானு" என்பதாகும். கண்ணதாசன் இவரை மணந்துகொள்ள நினைத்தபோது, இவர் காலமாகி விட்டாா். அந்த வேதனையிலிருந்தபோதுதான், "வசந்தமாளிகை" படவாய்ப்பு வந்தது. அப்படத்தின் கதை, கிட்டத்தட்ட தன் காதல்கதை போலவே இருப்பதாக அவர் கருதியதால், அப்படத்தின் பாடல்களை, மேற்படியான தன்வாழ்வுச் சம்பவங்களைக் குறிப்பிடும்படியாக, மிக உணர்ச்சிப்பூர்வமானவையாகப் படைத்தார்.

6.கண்ணதாசனுக்கு மிகவும் பிடித்த தமிழ்நடிகை தேவிகா ஆவார். இவருடைய வெளிப்படையான குணம், கண்ணதாசனுக்கு மிகவும் பிடிக்கும்.தான் தயாரிக்கவிருந்த நான்கு படங்களிலும், கண்ணதாசன், தேவிகாவை ஒப்பந்தம் செய்திருந்தார்.அப்படங்கள் எடுக்கப்படவில்லை.

7. எம்.ஜி.ஆரை வைத்து, "ஊமையன் கோட்டை" என்ற படத்தைத் தயாரிக்க, கண்ணதாசன் முடிவெடுத்தார். எம்.ஜி.ஆரின் தாமதத்தால், படம் தாமதமாகவே, அம்முயற்சியைக் கைவிட்டு, எம்.ஜி.ஆருக்கு தான் யாரென்பதைக் காட்ட விரும்பி, மார்க்கெட் இழந்து, பெருங்கடனாளியாகிவிட்டிருந்த டி.ஆர். மஹாலிங்கத்தை நாயகனாக்கி "மாலையிட்ட மங்கை" படம் தயாரித்தார். படம் அமோக வெற்றிபெற்றது. தனது விருப்பம்போல பாடல்களை எழுத, கண்ணதாசன் தயாரித்த முதல்படமான இப்படத்தில்தான், மனோரமா அறிமுகமானார். டி.ஆர்.மஹாலிங்கம் புதுவாழ்வு பெற்றார்.

8.கண்ணதாசன் மிக விரைவாக எழுதிய பாடல், "நெஞ்சில் ஓர் ஆலயம்" படத்தில் இடம்பெற்ற "முத்தான முத்தல்லவோ?" என்ற பாடலாகும்; மிக தாமதமாக எழுதிய பாடல், "நெஞ்சம் மறப்பதில்லை" படத்தில் இடம்பெற்ற "நெஞ்சம் மறப்பதில்லை" என்ற பாடலாகும். தாமதத்திற்கு, இவர் காரணரல்லர். இசைமெட்டு உருவாக்கத்தில் ஏற்பட்ட தாமதம்தான் காரணம்.

9."பெத்தடின்" போதை மருந்துக்கு அடிமையான கண்ணதாசன், எவ்வொரு முறிவு மருந்தின் உதவியுமின்றி, தன் மனஉறுதியாலேயே, ஒருசில நாட்களில், அப்பழக்கத்திலிருந்து மீண்டது அசாத்திய சாதனையாகும். இத்தனைக்கும் இவர் பயன்படுத்திய பெத்தடின் மருந்தின் அளவு மிகவும் அதிகமென்பது குறிப்பிடத்தக்கது.

10. தான் அமெரிக்காவிலிருந்து, சிகிச்சை முடிந்து திரும்பியதும் "மனோரமாவிற்கு" பாராட்டுவிழா எடுக்கத் திட்டமிட்டிருந்தார் கண்ணதாசன். அது நிறைவேறாமலேயே காலமாகிவிட்டார்.

11. "மூன்றாம்பிறை" படத்தோடு, பாடல்களெழுதுவதை நிறுத்திவிட்டு, நூல்களெழுதத் திட்டமிட்டிருந்தார் கண்ணதாசன். அமெரிக்காவில், சிகிச்சை முடிந்து திரும்பியதும், முழுநேர எழுத்தாளராக மாற நினைத்திருந்தவரை, விதி விடவில்லை.

12. 54 வயதிற்குள், சுமார் 4500 படப் பாடல்கள், சுமார் 4000 கவிதைகள், 6 படங்கள் தயாரிப்பு, எண்ணற்ற நூல்கள், கடன் தொல்லைச் சிக்கல்கள், அரசியல் பேச்சுக்கள், 3 திருமணங்களில் 14 குழந்தைகள், பல படங்களுக்குக் கதை−வசனம்,7 பத்திரிக்கைகளில் ஆசிரியர்−எழுத்தாளர் பொறுப்புக்கள், பல கவியரங்க நிகழ்வுகள், விலைமகளிர் தொடர்புகள் என கண்ணதாசன் வாழ்வியல் சம்பவங்களை நினைத்தால், இவை எப்படி சாத்தியமாயின? என தலையே சுற்றும். அவருக்கோ இவை சர்வசாதாரண நிகழ்வுகளாக இருந்தன.

13. எம்.ஜி.ஆரைக் கடுமையாகச் சாடியவர் கண்ணதாசன். ஆனால், எம்.ஜி.ஆர் இவற்றை மனதில் கொள்ளாமல், அரசவைக்கவிஞராக கண்ணதாசனையே நியமித்தார்.

14.கண்ணதாசனுக்கு, மதுப்பழக்கத்தை, புதுக்கோட்டையில் கற்றுத்தந்தவர், "கம்பதாசன்" என்ற பாடலாசிரியராவார். காதல் தோல்வியால், பெருங்குடியராக மாறினார். இவருடைய வேகமாக பாடல் எழுதும் திறமை, டப்பிங் படங்களுக்கு விரைவாக வசனமெழுதும் திறமை ஆகியன கண்ணதாசனுக்கு உந்துதலாக அமைந்தன.

15.கண்ணதாசனின் சொந்த படமான "கவலையில்லாத மனிதன்" படம், அப்படத்தின் நாயகனான சந்திரபாபுவின் கால்ஷீட் சொதப்பல்களால், காலதாமதமாக வெளியாகி, படுதோல்வியடைந்தது. அக்கடனிலிருந்து மீள கண்ணதாசனுக்கு நீண்டகாலமானது. பிற்காலத்தில் சந்திரபாபு, "தட்டுங்கள் திறக்கப்படும்" என்ற சொந்த படத்தை, கடும் வறுமைக்கிடையில் தயாரித்து, இயக்கி, நடித்தபோது, பாடல்களெழுத, கண்ணதாசன் உதவியை நாடினார். கண்ணதாசன், பழைய நிகழ்வை மனதில் கொள்ளாமல், கொடுத்ததை வாங்கிக் கொண்டு, சந்திரபாபுவிற்குப் பாடல்கள் எழுதித் தந்தார்.

16. கண்ணதாசன், பெரும்பாலும் மெட்டுக்களுக்குப் பாட்டெழுதுவதையே விரும்புவார். ஆரம்ப காலங்களில், தன் கைப்பட பாடல்களெழுதியவர், பிற்காலங்களில், தான் சொல்லச்சொல்ல, உதவியாளர்கள் மூலம் எழுதச்செய்தார்.

17. மாடர்ன் தியேட்டர்ஸ் நிறுவனர் டி.ஆர்.சுந்தரம், கறாருக்கும், கண்டிப்பிற்கும் பிரபலமானவர். பெரிய நாயகர்களைக் கூட, திட்டியோ, அடித்தோ வேலைவாங்கக்கூடிய ஆளுமை கொண்டவர். ஆனால், கண்ணதாசனிடம் மட்டும், அவர் இறுதிவரை, இரக்கமும், அன்பும் கொண்டிருந்தார். இவரும், சின்னப்பாதேவரும், கண்ணதாசனுக்கு மிகவும் பிடித்த தயாரிப்பாளர்களாவர்.

18. எம்.ஜி.ஆர் தயாரித்து, இயக்கிய முதல் படமான "நாடோடி மன்னனில்," கண்ணதாசனுக்குப் பாடல்களெழுத வாய்ப்பு கிடைக்கவில்லை. ஆனால், அதன் வசனத்தைச் சிறப்பாக எழுதிப் புகழ்பெற்றார் (வசன உதவியாளர் இரவீந்திரன்).

19. "பொண்ணுக்குத் தங்க மனசு" படத்தில் இடம்பெற்ற, "தேன் சிந்துதே வானம்" பாடல் மெட்டுக்குப் பாட்டெழுத, கண்ணதாசன் எடுத்துக்கொண்டது சுமார் 30 நிமிடங்கள் மட்டுமே. இதே பாடலின் தெலுங்கு மெட்டுக்குப் பாட்டெழுத, தெலுங்குப் பாடலாசிரியருக்கு, 3,4 நாட்கள் தேவைப்பட்டன.

20. இல்லறம்−துறவறம் பற்றிய சிறந்த போட்டிப் பாடலான "இது மாலை நேரத்து மயக்கம்" (படம்; தரிசனம்) பாடலை எழுத, கண்ணதாசன் எடுத்துக் கொண்ட நேரம், 45 நிமிடங்கள் மட்டுமே.

21.16 வயதிலேயே, சென்னைக்கு ஓடிவந்த கண்ணதாசன், முதலில் நடிகராகவே விரும்பி, "சந்திரசேகரன்" என்ற வேறுபெயரில், வாய்ப்பு தேடி அலைந்தார். ஆனால், எழுத்தாளர் வாய்ப்பே, அவருக்கு முதலில் வாய்த்ததால் எழுத்தாளரானார்.

22. மது பருகினால்தான் இவருக்குப் பாட்டெழுத வருமென்பதெல்லாம் பொய். பெரும்பாலும் பாடலெழுதும்போது மது பருகமாட்டார் என்பதே உண்மை.

23. உணவு, உறக்கம் இரண்டிலுமே கண்ணதாசன் அதிதீவிரப் பிரியராக இருந்தார். நன்கு தூங்கிவிட்டதாலேயே, தொடர்வண்டி பயணத்தைத் தவறவிட்டதும் உண்டு.

24. கண்ணதாசனுக்கு, திருக்குறள் முழுவதற்கும், புதுமையான கண்ணோட்டத்துடன் உரையெழுத பெரிதும் ஆர்வமும், திட்டமுமிருந்தது. ஆனால், காமத்துப்பாலுக்கு மட்டுமே, அவரால் உரைஎழுத முடிந்தது.

25. இவர் பாட்டெழுதும் சூழலே விசித்திரமாக இருக்கும். இவருடைய கடனாளர்கள், அறைவாசலில் நின்றபடி, கடனை வசூலிக்கக் காத்திருக்கும்போது கூட, இவர் அதை சட்டைசெய்யாமல், தீவிரமாக பாடலெழுதுவார். சில சமயங்களில், பாடலுக்கான சூழலை விளக்கும்போது, கண்ணதாசன் ஏதேனும் வேடிக்கையான நிகழ்வுகளைச் செய்தவாறு இருப்பார். பாட்டுச்சூழலை விளக்குபவர், தயங்கி நிறுத்திவிட்டால், அவர் முன்புகூறிய பாட்டுச்சூழல் விபரத்தை, துல்லியமாகக் கூறி, அவரைத் திகைக்க வைப்பார். பாட்டுச்சூழலைக் கூறியவுடன், பெரும்பாலும் 30 நிமிடங்களில், பாடலை எழுதிவிடுவார்.

26. எம்.ஜி.ஆருடைய அரசியலைப் பற்றி, இவரிடம் கருத்துகேட்டபோது, இவரளித்த பதில் " ஏட்டிலே தினத்தந்தி; பாட்டிலே எலந்தப்பழம்; நாட்டிலே எம்.ஜி.ஆர். இதுதான் இன்றைய நிலை" என்றாா்.

27. தி.மு.கவை விட்டு விலகிய போது, "போய் வருகிறேன்" என்ற தலைப்பில் ஒரு கட்டுரையை எழுதினார். மிகுந்த பரபரப்பை ஏற்படுத்திய அக்கட்டுரை, தமிழில் தோன்றிய மிகச்சிறந்த அரசியல் கட்டுரைகளுள் ஒன்றாகப் போற்றப்படுகிறது.

28. திருப்பாவை, திருவெம்பாவை போல, கண்ணதாசன் எழுதிய "தைப்பாவை" கவிதையும் பிரபலமானது. தை மாதச் சிறப்புகளை அதில் வர்ணித்திருப்பார்.

29. தான் வளர்த்த நாய் "சீசர்" இறந்தபோது, அதற்கும் ஒரு இரங்கற்பா இயற்றினாா். வளர்ப்பு நாயின் மறைவிற்கும் இரங்கற்பா இயற்றிய முதல் இந்திய கவிஞர் கண்ணதாசன்தான்.

30. ஒருமுறை, கண்ணதாசன், தான் இறந்துவிட்டதாக, தானே பலருக்கும் தொலைபேசியில் விபரம் தெரிவித்தார். பலரும், பதறியடித்து ஓடிவர, தன்மீதான சமூக மதிப்பைத் தானறிய இவ்வாறு செய்ததாக விளக்கமளித்தார்.

31. காமராஜர் வரலாற்றைப் படமாகத் தயாரிக்கத் திட்டமிட்டார் கண்ணதாசன். ஓரிரு காட்சிகள் எடுக்கப்பட்டதோடு, படம் நின்றுபோனது.

32. கண்ணதாசன் எழுதிய காவியங்களுள், ஒரு கவிதை கூட கிடைக்காமல், முழுமையாக அழிந்துபோன காவியம் "ஈழமகள் கண்ணீர்" என்பதாகும்.

33. "ஆயிரத்தில் ஒருவன்" படத்தில், ஒரு பாடல் சூழலுக்குப், பல பாடலாசிரியர்கள் மிக சிரமப்பட்டு எழுதியும், எம்.ஜி.ஆருக்கு அவை பிடிக்கவில்லை. இறுதியில், கண்ணதாசனை எழுதவைக்குமாறு, இயக்குநரிடம் கூறினார். அவ்வாறே கண்ணதாசன் ஒரே முறையில் எழுதிய அந்த பாடல், சூழலுக்குப் பொருத்தமாகவும், அனைவருக்கும் பிடித்தமானதாகவும் அமைந்து போனது. அந்த பாடல்தான், "அதோ அந்த பறவை போல" பாடலாகும்.

34. கண்ணதாசனின் பாடல்களுக்கு உந்துசக்தியாக விளங்கியவை, அவருடைய தாயார் விசாலாட்சி அம்மையார் அவர்கள் பாடிய தாலாட்டுக்களும், கம்பராமாயணம் காவியமுமே ஆகும்.

35. "அவன்தான் மனிதன்" படத்தில், இவரெழுதிய "அன்பு நடமாடும்" என்ற பாடலின் வரிகள் யாவுமே, இறுதியில் "மே" என்ற எழுத்திலேயே முடியும் சிறப்புடையது. இப்பாடலையும், இவர், மிக விரைவாக எழுதியதுதான் ஆச்சர்யமானது.

Read More

Saturday, 17 October 2020

இந்தியாவில் உள்ள மர்ம கோவில் சில கோவில்கள்!

October 17, 2020 0

சில மர்ம கோவில்கள்,

1) வீரபத்ரா கோயில்

கோயிலின் கூரையை தாங்க எழுபது தூண்கள் உள்ளன. இருப்பினும், சுவரில் ஒரு மூலையில் இருக்கும் தூண் தரையில் நிற்கவில்லை.

இந்த மர்ம கோயில் இந்த தொங்கும் தூணின் பின்னால் உள்ள மர்மத்தை தீர்க்க தவறிய பல பொறியாளர்களுக்கு சவால் விடுத்துள்ளது.

மேலும், கோயிலில் தரையில் பெரிய கால் தடம் உள்ளது. அந்த கால் தடம் மூன்று அடி நீளமாம். ஒரு ஈரப்பதமான நீர் நிலத்தடியில் இருந்து அதை ஈரமாக வைத்திருக்கிறது.

1910 ஆம் ஆண்டில், ஒரு பிரிட்டிஷ் பொறியாளர் தொங்கும் தூணின் ரகசியத்தை கண்டுபிடிக்க முயன்றார்.

அவர் தூணின் ஒரு மூலையை தரையில் தொடும்படி செய்தார். ஆனால், இது உச்சவரம்பை தவறாக வடிவமைத்து ஃப்ரெஸ்கோ( fresco ) ஓவியத்தை சிதைத்தது. தூனை மேலே இருந்து தொங்க வைப்பது இன்னும் ஒரு மர்மமாகவே உள்ளது.

வீரபத்ரா கோயில் ஆந்திர பிரதேசத்தின் இனிதான் மாநிலத்தின் அனனத்பூர் மாவட்டத்தில் உள்ள லெபக்ஷியில் அமைந்துள்ளது. இந்த கோயில் 16 ஆம் நூற்றாண்டில் கட்டப்பட்டது.

வீர பத்ரா கோவிலிலிருந்து சுமார் 200 மீட்டர் தொலைவில் நந்தி என்றும் அழைக்கப்படும் ஒரு பெரிய காளை உள்ளது, இது ஒரு கல் தொகுதியிலிருந்து செதுக்கப்பட்டுள்ளது, அதன் வகைகளில் மிகப்பெரியது என்று கூறப்படுகிறது.

2) கோனர்க் சூரிய கோயில்

இரண்டு மாபெரும் சிங்கங்கள் நுழைவாயிலைக் காவலில் காத்திருக்கும் இந்த கோயில் 7 குதிரைகளால் இழுக்கப்பட்ட 24 சக்கரங்களைக் கொண்ட தேராக வடிவமைக்கப்பட்டுள்ளது.

கோயிலின் சக்கரங்கள் உண்மையில் சூரியக் கடிகாரங்கள். துல்லியமான நேரத்தை முட்களால் போடப்படும் நிழல்களால் கணக்கிட முடியும்.

புத்த மதத்தின் (யானை) மீது பிராமண இந்து மதத்தின் (சிங்கம்) மேலாதிக்கத்தை குறிக்கிறது. ஒவ்வொரு யானையும் ஒரு மனித உடலின் மேல் அமைந்துள்ளது.

17 ஆம் நூற்றாண்டில் கோவில் கட்டமைப்பின் ஒரு பகுதி இடிந்து விழுந்தது அல்லது அழிக்கப்பட்டது.

சூரியக்கோவில், இடிந்து விழுந்த கட்டமைப்பில் 52 டன் காந்தம் மேலே இருந்ததாக நம்பப்படுகிறது.

இந்த காந்தம் முக்கிய கட்டமைப்பு சிலை காற்றில் பறக்க காரணமாக அமைந்தது.

கிழக்கு-மேற்கு திசையில் சீரமைக்கப்படுவதால், இயற்கையான சூழலில் மணல் மண்ணில் வளரும் பிற வகை மரங்கள் உள்ளன.

இந்த கோயில் அதன் சிற்றின்ப சிற்பங்களுக்கு புகழ் பெற்றது, இது முதன்மையாக தாழ்வாரம் கட்டமைப்பின் இரண்டாம் மட்டத்தில் காணப்படுகிறது.

பதின்மூன்றாம் நூற்றாண்டின் சூரிய கோயில், ஒரிசா சிவப்பு மணற்கல் ( Khandolite ) மற்றும் கங்கை வம்சத்தைச் சேர்ந்த மன்னர் நரசிம்மாதேவா முதலாம் (கி.பி 1236-1264) என்பவரால் கட்டப்பட்ட கருப்பு கிரானைட்.

உலக பாரம்பரிய தளமான இந்த கோயில் இந்தியாவின் மத பாரம்பரியத்தை ஒரு விதிவிலக்கான தோற்றத்தை வழங்குகிறது.

3) பத்மநாப சுவாமி கோயில்

இது உலகின் பணக்கார கோயில் என்று அழைக்கப்படுகிறது. இருபத்தி இரண்டு பில்லியன் டாலர் மதிப்புள்ள தங்கம் மற்றும் நகைகள் நிலத்தடி பெட்டகங்களில் சேமிக்கப்படுகின்றன. எட்டில் ஐந்து மட்டுமே இன்று வரை திறக்கப்பட்டுள்ளன.

கோயிலின் இரண்டாவது பெட்டகம் மிகவும் மர்மமானது மற்றும் திறக்கப்படாமல் உள்ளது.

பெட்டகத்தின் ஒரு அறை ஒரு மகத்தான இரும்புக் கதவுடன் மூடப்பட்டுள்ளது கதவு இரண்டு பிரம்மாண்டமான நாகப்பாம்புகளைக் கொண்டுள்ளது.

ஒரு விசித்திரமான மந்திரத்தால் மட்டுமே கதவைத் திறக்க முடியும் என்று கூறப்படுகிறது. இந்த அறையை வேறு வழியில் திறப்பது பெரும் துரதிர்ஷ்டத்தை ஏற்படுத்தும் என்று நம்பப்படுகிறது.

பத்மநாப சுவாமியின் சிலையின் அளவு மிகவும் விரிவானது, பக்தர்கள் அவரை மூன்று கதவுகள் வழியாகப் பார்த்து அவரது தரிசனத்தை எடுத்துக்கொள்கிறார்கள்.

முதல் கதவிலிருந்து, தெய்வத்தின் தலையைக் காணலாம், மையத்தில் உள்ள கதவிலிருந்து, ஒரு பக்தர் கர்த்தருடைய தொப்புளிலிருந்து தாமரை பூப்பதைக் காணலாம் மற்றும் கடைசி ஒன்றிலிருந்து அவரது கால்களைக் காணலாம்.

விஷ்ணு பகவான் லட்சுமி தேவி (ஸ்ரீ தேவி என்றும் அழைக்கப்படுகிறார்) மற்றும் பூ தேவி (பூமியின் தெய்வம்) ஆகியோருடன் காணப்படும் அந்த ஆலயங்களில் இதுவும் ஒன்றாகும்.

இந்த தெய்வத்தின் மற்றொரு குறிப்பிடத்தக்க அம்சம் என்னவென்றால், விஷ்ணுவின் வலது கை ஒரு சிவலிங்கத்தின் மீது உள்ளது. சுவாரஸ்யமாக, பிரதான சிலை நேபாளத்தின் கந்தகி ஆற்றில் இருந்து சேகரிக்கப்பட்ட 12,008 ஸ்லிகிராமங்களால் ஆனது மற்றும் தெய்வத்தை பாதுகாக்கும் கட்டுசர்கரா யோகம் என்ற ஆயுர்வேத பேஸ்ட்டால் மூடப்பட்டுள்ளது, இது நம்பப்படுகிறது.

கேரளாவின் தலைநகரான திருவனந்தபுரம், விஷ்ணுவின் பெயரிடப்பட்டது, அதாவது ‘அனந்த நகரம்’ (நித்திய இறைவனின் நகரம்). பத்மநாப சுவாமி என்று அழைக்கப்படும் முதன்மை தெய்வம், விஷ்ணுவின் தொப்புளில் இருந்து பூக்கும் தாமரையின் மீது அமர்ந்திருக்கும் பிரம்மாவின் (படைப்பாளி) தோற்றத்தை சித்தரிக்கிறது.

4) கைலாச கோயில்

இந்த கோயில் இந்தியாவில் எல்லோரா குகைகளில் அமைந்துள்ளது.

கோவில் கட்டுமானத்தின் உண்மையான தேதி தெரியவில்லை. ஆனால், சுவர்களில் கல்வெட்டுகள் எட்டாம் நூற்றாண்டில் காணப்படுகின்றன.

இந்த கோயில் ஒரு பெரிய கல்,காரணம் ஒற்றை பாறையிலிருந்து செதுக்கப்பட்டுள்ளது. ஏறக்குறைய நான்கு லட்சம் டன் பாறைகளை அந்த இடத்திலிருந்து அகற்ற வேண்டியிருக்க வேண்டும்.

எப்படி தொழிலாளர்கள், ஆயிரக்கணக்கான ஆண்டுகளுக்கு முன்பு, சுத்தியல் மற்றும் உளி ஆகியவற்றை மட்டுமே பயன்படுத்தி இந்த கோவிலை செதுக்க முடிந்தது?

செங்குத்து அகழ்வாராய்ச்சி முறையால் மட்டுமே கட்டப்பட்டிருக்க முடியும்.செதுக்குபவர்கள் பாறையின் உச்சியில் தொடங்கி கீழ்நோக்கி அகழ்வாராய்ச்சி செய்தனர்.

இந்த கோயில் உலகின் மிகப் பெரிய பாறை உச்சவரம்பைக் கொண்டுள்ளது.

5) பிரிஹதீஸ்வரர் கோயில்

அதிசயங்கள் சில:

  • பிரதான கோபுரத்தின் நிழல் ராஜா கோபுரம் தரையில் விழாது.
  • ராஜா கோபுரம் ஒரு வெற்று வடிவத்தைக் கொண்டிருக்கிறது, மேலும் பெரிய கற்களை பூட்டுவதன் மூலம் ஆனது, அவை எந்த பிணைப்பு பொருட்களும் இல்லாமல் இருக்கும். இது 10 நூற்றாண்டுகளாக அனைத்து இயற்கை பேரழிவுகளையும் தாங்கி நிற்கிறது.
  • முதன்மை தெய்வத்திற்கு மேலே ஒரு சிறிய படிக்கட்டு கோபுரத்தின் மேல் பகுதிக்கு செல்கிறது. வெற்று பகுதிக்குள் மந்திரம் ஓ.எம் என்று கோஷமிடுவது தெய்வீக அதிர்வுக்கு வழிவகுக்கிறது என்று கூறப்படுகிறது.
  • 1000 ஆண்டுகளுக்குப் பிறகும் ஓவியங்களின் நிறங்கள் இன்னும் பிரகாசமாகவும் ஆரோக்கியமாகவும் இருக்கின்றன.
  • ராஜ ராஜ சோழர் காலத்தில் சிற்பமாக வடிவமைக்கப்பட்ட நந்தியின் சிலை தஞ்சை நந்தி அளவு வளர்ந்து கொண்டே இருந்தது என்று ஒரு உள்ளூர் புராணக்கதை உள்ளது. இருப்பினும் கொடுக்கப்பட்ட விளக்கம் என்னவென்றால், இது தனித்துவமான வானிலை காரணமாக இருக்கலாம் மற்றும் அதன் வளர்ச்சியைக் கட்டுப்படுத்தலாம், அது ஒதுக்கி வைக்கப்பட்டு தரையில் அறைந்தது.
  • பிரிஹதீஸ்வரர் கோயிலின் அதிசயங்களில் இன்னொன்று, அந்த பாரிய கற்களை அவர்கள் எவ்வாறு பெற்றார்கள்? இந்த கோவிலின் இருப்பிடத்தில் கிரானைட் கல் இல்லை. இந்த வலிமையான கோவிலை உருவாக்க பயன்படும் கல் அனைத்தும் கிட்டத்தட்ட 50 மைல் தொலைவில் உள்ள தொலைதூர பகுதிகளிலிருந்து எடுக்கப்பட்டது.
  • யானைகள் இல்லாமல் அந்த இடத்திலிருந்து பாறைகளை கொண்டு செல்லும் இந்த வேலை சாத்தியமில்லை என்று கருதப்படுகிறது. 1000 என்பது வெறும் எண்! இந்த கோயிலின் கட்டுமானத்திற்கு 1000 க்கும் மேற்பட்ட யானைகள் பயன்படுத்தப்பட்டன.
  • இந்த கோயிலுடன் தொடர்புடைய மற்றொரு மர்மமான உண்மை என்னவென்றால், சோழர் காலத்தின் வெவ்வேறு கோயில்களை இணைக்கும் பல நிலத்தடி பத்திகளும் உள்ளன.
    அதோடு, கோயிலுக்குள் இரகசிய பத்திகளும் உள்ளன, அவை மன்னர்களின் அனைத்து ரகசிய இடங்களையும் இணைத்தன. அவற்றில் பல சீல் வைக்கப்பட்டுள்ளன.

நண்பர்களே இதைப் பற்றி நீங்கள் என்ன நினைக்கிறீர்கள்?

மேலும், இது போன்ற கூடுதல் தகவல்களை அறிய

நான் ஒரு தமிழ் வலைத்தளத்தை ஆரம்பித்தேன்,விரும்பினால் ஆதரிக்கலாம்.

Read More

Monday, 30 September 2019

இரவு நேரத்தில் போகமுடியாத உலகின் பயங்கரமான 10 இடங்கள்!

September 30, 2019 0


இரவு நேரத்தில் போகமுடியாத உலகின் 10 மர்ம இடங்கள்


10. ஸ்க்கின் வால்க்கர் பண்ணை (Skin Walker Ranch)


சுமார் 450 ஏக்கர் பரப்பளவு கொண்ட இந்த விவசாய பண்ணை அமெரிக்காவில் உள்ள உட்டா என்ற மாநிலத்தில் தான் அமைந்துள்ளது. இங்கு பேய்கள், வித்தியாசமான விலங்குகள், பறக்கும் தட்டுகள் என பலவற்றை பலர் பார்த்த்தாக கூறியுள்ளதால் அமானுஷ்யங்களுக்கு மிகவும் பெயர்போன ஒரு பண்ணையாக இது உள்ளது. இவை மட்டுமில்லாமல் பல கால்நடைகளும் வளர்ப்பு விலங்குகளும் மிகவும் கொடூரமான முறையில் இறந்துள்ளன. ஸ்கின் வால்கர் பண்ணை என இந்த இடத்திற்கு பெயர் வர ஒரு காரணமும் உண்டு. அது என்னவென்றால் அமெரிக்க பழங்குடி மக்களிடம் ஒரு அசைக்க முடியாத நம்பிக்கை உள்ளது. அதாவது, அந்த காலத்தில் ஸ்கின் வால்கேர் என்ற பெயரில் ஒரு சூனியக்காரி இருந்ததாகவும் அவள் தன்னை எந்த உருவத்தில் வேண்டுமானாலும் மாற்றிக் கொள்ளும் தன்மை உடையவளாக இருந்ததாகவும் நம்புகிறார்கள். மேலும் மக்கள் பார்த்த மர்மமான உருவங்கள் அனைத்தும் அந்த கருப்பு மந்திரவாதியின் உருவம்தான் என அந்த பழங்குடி மக்கள் கூறுகிறார்கள். இப்படிப்பட்ட விஷயங்களை எல்லாம் கேள்விப்பட்டதும் பலர் அந்த இடத்தை ஆய்வு செய்தார்கள். ஆனால், ஒருவர் மட்டும் அந்த முழு மர்ம இடத்தையும் விலைக்கு வாங்கி ஆய்வு செய்வதற்கு என்றே ஒதுக்கிவிட்டார். இந்த பண்ணையில் இவர்கள் கடைசியாக பார்த்தது ஒரு ஓநாய் சிவப்பு நிற கண்களுடன் கால்நடைகளை கொடூரமாக அடித்துக் கொன்ற காட்சிதான். அந்த சமயத்தில் அதை பல முறை துப்பாக்கியால் சுட்டும் அதற்கு ஒன்றும் ஆகவில்லை என ஒரு விவசாயி கூறியுள்ளார். இப்படி மர்மங்கள் நிறைந்துள்ள அந்த இடத்தை பற்றி ஸ்கின் வால்கேர் ரேஞ்ச் என்ற பெயரில் ஹாலிவுட் திரைப்படம் ஒன்றும் வெளிவந்துள்ளது.

9. ஹேரி ஹேண்ட்ஸ் ரோடு (Hairy Hands Road)


நீங்கள் சிறியதாக ஒரு கற்பனை செய்து பாருங்கள் - மிக அடர்த்தியான ஒரு காட்டுப்பகுதியில் இரவு வேளையில் காரில் பயணம் செய்து கொண்டிருக்கும்போது சுற்றியும் மயான அமைதி நிலவிக் கொண்டிருக்கும் வேலையில், பயங்கரமான, முடியுடன் கூடிய இரண்டு கைகள் உங்கள் கார் ஸ்டேரிங்யை பிடித்தால் எப்படி இருக்கும்? அந்த சமயத்தில் உங்கள் மனநிலையும் இதயத்துடிப்பும் அதிக பதட்டத்தை அடையும் அல்லவா? அதேபோலத்தான் இந்த ரோட்டில் இரவு நேரங்களில் பயணிப்பவர்களுக்கு ஏற்படுவதாக பலர் கூறியுள்ளார்கள். இங்கிலாந்தில் உள்ள டார்க் மோர் எனும் இடத்தில் உள்ள மிக குறுகலான ஒரு காட்டுவழிப் பாதை தான் இந்த ஹேரி ஹேண்ட்ஸ் ரோடு 3 3 2 1 2 என்ற பெயரில் இருந்த இந்த சாலையை, அங்கு நடக்கக்கூடிய அமானுஷ்யத்தின் அடிப்படையில் ஹேரி ஹேண்ட்ஸ் சாலை என அழைக்கிறார்கள். முதலில் இந்த சம்பவங்களை பற்றி யாரும் நம்பவில்லை. ஆனால் அங்கு தொடர்ச்சியாக நடந்த கார் விபத்துக்களுக்கும், அதனால் ஏற்பட்ட உயிர் இழப்புகளுக்கும் பின்தான் பலர் நம்ப ஆரம்பித்தார்கள். சில காலங்களுக்கு முன் இங்கு விபத்தில் இறந்த ஒருவரின் ஆத்மா தான் இந்த வேலைகளை செய்கிறது என பலராலும் கூறப்படுகிறது.

8. மொகுசெங் (Moguicheng)


இது சீனாவில் உள்ள ஒரு பாலைவனப் பகுதி. சீன மொழியில் மொகுசெங் என்றால் பேய்கள் அல்லது சாத்தான்கள் அதிக அளவில் குடியேறியுள்ள இடம் என பொருள். இந்த பாலைவனத்தில் காண்போரை எளிதாக கவர்ந்து ஈர்க்கின்ற வகையில் அழகான பல மலை குன்றுகள் உள்ளன. ஆனால், அழகு இருக்கக்கூடிய இடத்தில்தான் ஆபத்தும் இருக்கும் என்பதற்கு ஏற்றார்போல அந்த இடத்தை கடந்து செல்லும் போது, வித்தியாசமான சத்தங்களையும், சில சமயங்களில் புலி உருமுவது போலவும், சில சமயங்களில் குழந்தைகள் அலறும் சப்தங்களையும் கேட்டதாக பலர் கூறியுள்ளார்கள். இவ்வளவு தொழில்நுட்பம் வளர்ந்தும், அங்கு கேட்கக்கூடிய சப்தங்களுக்கு யாராலும் சரியான விடையை கூற முடியவில்லை. சில காலங்களுக்கு முன்பு அந்த இடத்தை சுற்றி இருந்த கிராம மக்களும் தங்களது வசிப்பிடங்களை கைவிட்டுவிட்டு வேறு இடங்களில் குடியேறி விட்டார்கள். இப்போது அந்த இடம் மனிதர்கள் யாரும் இல்லாமல் ஒரு முழு அமானுஷ்ய பகுதியாகவே மாறிவிட்டது.

7. பேய் கடல் (The Devil's Sea)


பேய் கடல் என குறிப்பிடப்படக்கூடிய இந்த இடம் ஜப்பான் கடற்கரை பகுதியில் இருந்து சிறிது தொலைவில் உள்ளது. முன்னதாக பெர்முடா முக்கோணத்தை பற்றி நீங்கள் அறிந்திருப்பீர்கள். அதுபோலவே இந்த பகுதியை கூட பசிபிக் பெருங்கடலின் பெர்முடா முக்கோணம் என அழைக்கிறார்கள். அந்த அளவிற்கு இந்த கடற்பகுதி மிக மோசமானது. சொல்லப்போனால் பெர்மூடா முக்கோணம் மற்றும் இந்த பேய் கடல் இரண்டுமே நேர் எதிராகத்தான் அமைந்துள்ளன. அதுமட்டுமில்லாமல் பூமியிலுள்ள காந்த சக்தி அதிகமாக 12 உள்ள இடங்களில் இதுவும் ஒன்று. அந்த அதீத காந்த சக்தியால் தான் இந்த வழியாக போகும் கப்பல்கள் மற்றும் படகுகள் காணாமல் போகின்றன என ஆய்வாளர்கள் விஞ்ஞான ரீதியாக கூறினாலும், அந்த கடல் பகுதியில் பயணித்து வந்தவர்கள் இந்தக் கருத்து முற்றிலும் தவறானது எனவும், இந்த பகுதி வழியாக அமானுஷ்யமான பேய்களும் அருவருப்பான உருவங்களும் சிறிய சிறிய படகுகளில் செல்லும் காட்சிகளை பார்த்ததாக கூறியுள்ளார்கள்.
இவர்கள் கூறுவதை கேட்கும் போது பைரேட்ஸ் ஆஃப் தி கரீபியன் திரைப்படத்தில், இறந்தவர்களின் ஆத்மாக்களை படகு மூலமாக வேறு உலகத்திற்கு கொண்டு செல்லும் காட்சி தான் நினைவிற்கு வருகிறது.
அந்த வழியாக பயணித்தவர்கள் இப்படி கூறுவதாலேயே இந்த இடத்தை பேய்களின் கடல் என அழைக்க ஆரம்பித்து விட்டார்கள். இந்த இடத்தைப் பற்றி மூவாயிரம் வருடங்களுக்கு முன் எழுதப்பட்ட சீன புராண கதைகளில் கூட, அங்கு மிகப்பெரிய டிராகன் இருந்ததாகவும் அது அந்த வழியாக செல்லும் கப்பல்களை மூழ்க செய்ததாகவும் குறிப்பிட்டுள்ளார்கள்.

6. யாங்சி கிராமம் (Yangsi Village)

சீனாவில் உள்ள இந்த கிராமத்தில் என்ன அமானுஷ்யம் என்றால் அது அங்குள்ள மனிதர்கள் தான். ஆம் இங்கு வாழும் மனிதர்களின் உயரம் சராசரி மனிதர்களின் உயரத்தை விட மிகக் குறைவு நூற்றில் நாற்பதுக்கு மேற்பட்டோரின் உயரம் 2 அடி முதல் 4 அடி மட்டுமே. இந்த பிரச்சினைகளுக்கு எந்த ஒரு ஆராய்ச்சியாளர் அல்லது மருத்துவர்களால் விளக்கம் கொடுக்க முடியவில்லை. ஆனால், இந்த மக்கள் இப்படி குள்ளமாக பாதிக்கப்பட ஆரம்பித்தது என்னவோ 1920-களில் இருந்துதான். அடிக்கடி பல தலைசிறந்த ஆராய்ச்சியாளர்கள் இந்த கிராமத்திற்கு சென்று அங்குள்ள மண், நீர், விளைபொருட்கள் மற்றும் மனிதர்களையும் சோதனை செய்கிறார்கள். ஆனால், ஆச்சர்யம் என்னவென்றால் அவர்களால் எந்த காரணத்தையும் கண்டுபிடிக்க முடியவில்லை. கிட்டத்தட்ட இதே மாதிரி கண்டுபிடிக்க முடியாத ஒரு விசித்திரம் தான் கேரளாவில் உள்ள கோடின்ங்கி கிராம மக்களுக்கும் ஏற்பட்டுள்ளது. ஆனால், ஒரு சின்ன மாற்றம் என்னவென்றால், கேரளாவில் உள்ள மனிதர்கள் குள்ளம் கிடையாது. மாறாக இரட்டையர்களாகவே பிறக்கிறார்கள். இங்கும் சீனாவில் ஏற்பட்ட்து போல, 1920-க்கு பிறகு தான் இந்த மாற்றம் ஏற்பட்டுள்ளதாக ஆய்வாளர்கள் குறிப்பிடுகின்றனர்.

5.கப்பூஸ்டின் யார் (Kapustin Yar)


ராஷ்யாவில் உள்ள ஒரு ரகசியமான இடம்தான் இந்த கப்பூஸ்டின் யார். இங்கு உள்ள ஏதோ ஒரு அமானுஷ்யம் காரணமாக, அந்த இடத்திற்க்கு மக்கள் செல்ல தடை விதித்துள்ளார்கள். அதை மறைக்கும் வண்ணமாக ராணுவ ஆராய்ச்சிகள் பலவும் இந்த இடத்தில் மேற்கொள்ள ஆரம்பித்துவிட்டார்கள். அதுமட்டுமின்றி அருகிலிருந்த நகர மக்களை காலி செய்ய வைத்து அந்த நகரையும் முழுமையாக அழித்து விட்டார்கள். இந்த இடம் பல ரகசியங்களுக்கு பெயர் போனது. இரண்டாம் உலகப் போர் சமயங்களில் ஜெர்மனிய விஞ்ஞானிகள் ஆராய்ச்சி செய்த இடம் கூட இதுதான். அந்த ரகசிய இடத்தில் ரஷ்ய ராணுவ வீரர்களும், வேற்றுகிரக வாசிகளும் சண்டை போட்டுக் கொண்டதாகவும் கூறப்படுகிறது. அதுவும் அமெரிக்காவின் ரோஸ்வெல் நிகழ்வு நடந்த ஒரு வருடத்தில் இந்த நிகழ்வும் நடந்துள்ளது. அதன்பின் அமெரிக்காவின் உளவு விமானம் இந்த இடத்தை கடந்து சென்றபோது நிலம் முழுவதும் ஒரு வரைபடம் போலவும் பழங்காலக் குறிப்புகள் போலவும் தென்பட்டதாக தெரிவித்துள்ளார்கள்.

4. மூடநம்பிக்கை மலைகள் (Superstition Mountains)


அரிசோனாவில் உள்ள அமானுஷ்யங்களுக்கு பெயர் போன இடம் தான் இந்த சூப்பர் ஸ்டேஷன் மலை. அமெரிக்கர்களின் மிகப்பெரிய தங்கச் சுரங்கம் அமைந்துள்ள இடம் என இந்த இடத்தை கூறுவார்கள். முதன் முதலில் ஜெர்மனியைச் சேர்ந்த ஜெக்கோப் வால்ட்ஸ் என்பவர்தான் இந்த மலையில் உள்ள ரகசிய தங்க சுரங்கத்தை கண்டு பிடித்ததாகவும். வெகு காலமாக யாரிடமும் அதைப் பற்றிக் கூறாமல், அவ்ர் சாகும் தருவாயில் தான் இவ்வாறு ஒரு தங்கச் சுரங்கத்தை கண்டுபிடித்ததாக வெளியில் கூறியுள்ளார். இவர் இந்த தகவலை கூறிவிட்டு மறைந்தது என்னவோ 1891-இல். ஆனால், அதன்பின் மக்கள் தொடர்ச்சியாக அந்த இடத்தை கண்டுபிடிக்க சென்று, அதில் பலர் உயிருடன் திரும்பவில்லை. இன்றளவும் வருடத்திற்கு 8 ஆயிரத்திற்கும் மேற்பட்டோர் அந்த இடத்தை கண்டுபிடிக்க சென்று அதில் பலர் மர்மமான முறையில் இறந்து போகிறார்கள்.

3. நீர்பால முக்கோணம் (Bridge water triangle)


அமெரிக்காவில் உள்ள பாஸ்டன் என்ற நகரிலிருந்து 30 மைல் தொலைவில் தான் இந்த முக்கோண பகுதி அமைந்துள்ளது. இந்த இடம் சுமார் 200 மைல் பரப்பளவு கொண்டது. இதன் மையப்பகுதி தான் மர்மங்களுக்கு பெயர் போனது. இரவு நேரங்களில் அதிக அலறல் சத்தத்துடன் வெள்ளைநிறப் பேய் உருவங்களும், விசித்திரமான பறவைகள், ராட்சத மனிதர்களை பார்ப்பது மற்றும் கொடூரமான முறையில் கால்நடைகள் அடிக்கடி அடித்து கொல்லப்படுவதும் இங்கு வழக்கமான நிகழ்வாக உள்ளதாம். அதுமட்டுமின்றி நெருப்பு பந்துகளும் சிறுசிறு ஒளிவட்டங்களும் ஆங்காங்கே பரவுவதாக பலர் கூறியுள்ளார்கள். இந்த இடத்தின் இப்படிப்பட்ட மர்மமான நிகழ்வுகளைப் பற்றி எந்த ஒரு ஆராய்ச்சியாளர்களாலும் விளக்க முடியவில்லை. ஆனால், அமெரிக்க பழங்குடி மக்கள் கூறுவது என்னவென்றால், ஐரோப்பாவிலிருந்து முதன் முதலாக அமெரிக்காவை கைப்பற்ற வந்த சிலர் அங்கிருந்த பழங்குடியின மக்களை தரக்குறைவாக நடத்தியதால் ஆத்திரமடைந்த பழங்குடியினர் விட்ட சாபத்தினால் தான் இந்த இடம் இப்படி மாறிவிட்டதாக கூறுகிறார்கள்.

2.ஓவர்டோன் பாலம் (Overtoun Bridge)


ஸ்காட்லாந்தில் உள்ள மில்டன் கிராமத்தில் தான் இந்த மோசமான பாலம் அமைந்துள்ளது. முழுக்கமுழுக்க பாறைகளால் 50 அடி உயரத்தில் கட்டப்பட்ட ஒரு பழங்கால பாலம் தான் இது. இங்கே உள்ள அமானுஷ்யம் என்னவென்றால் இந்த பாலத்தை கடக்க கூடிய நாய்கள் திடீரென 4 அடி உயரமுள்ள தடுப்புச் சுவரை தாண்டி குதித்து தற்கொலை செய்து கொள்கின்றன. இந்த சம்பவங்களுக்கு சரியான விளக்கம் கொடுக்க முடியாததால், பலபேர் பலவிதமான விளக்கங்களை கூறுகிறார்கள். அது என்னவென்றால் அந்த பாலத்திற்கு அடியில் ஓடும் நீரில் சில மாயத்தோற்றங்கள் தெரிவதாகவும், அதை பார்த்ததும் நாய்கள் மயங்கி குதித்து விடுகின்றன என்று சிலர் கூறுகிறர்கள். விலங்குகள் மனோதத்துவ மேதையான டாக்டர் டேவிட் சான்ஸ் என்பவர் கூறுவது என்னவென்றால், இந்த பாலத்தில் உயரமான தடுப்பு சுவர்கள் உள்ளதாலும், கீழே தண்ணீர் ஓடுவதாலும் அந்த சத்தத்தினால் நாய்கள் குழம்பி அந்த இடத்தை கண்டு பயந்து, தப்பிக்கும் எண்ணத்தில் குறித்து விடுகின்றன என கூறுகிறார். அந்த கிராம மக்கள் கூறுவது என்னவென்றால் பல வருடங்களுக்கு முன் மனநலம் பாதிக்கப்பட்ட ஒரு தந்தை அவரது குழந்தையை இந்த பாலத்தில் தூக்கி எறிந்து கொலை செய்து விட்டதாகவும், அந்த குழந்தையின் ஆவிதான் நாய்களை தற்கொலை செய்துகொள்ள தூண்டுவதாகவும் கூறுகிறார்கள். இந்த நாய்கள் பாலத்தில் இருந்து குதிக்கும் சம்பவம் சுமார் 60 ஆண்டுகளாக அந்த கிராமத்தில் தொடர்ந்து நடந்து கொண்டிருக்கிறது. ஆனால், இன்னமும் சரியான விளக்கத்தை யாராலும் கொடுக்க முடியவில்லை.

1.ஏவோகிஹஹாரா காடு (Aokigahara Forest)


இந்த காடு ஜப்பானில் உள்ள ஃபுஜி மலைக்கு அருகாமையில் தான் உள்ளது. இதை தற்கொலை காடு அல்லது சூசைட் பாரஸ்ட் என்ற பெயரில் கூறினால்தான் பலருக்கும் தெரியும். அந்த அளவிற்கு இந்த காடு அமானுஷ்யங்கள் நிறைந்தது. வெளியில் இருந்து பார்க்கும் போது மிக அழகாக பச்சை பசேலென காணப்படும் இந்த காடு உள்ளே செல்லச் செல்ல ஒரு சூனியக்கார காடு போலவே தெரியும். சூசைட் பாரஸ்ட் என இதை ஏன் அழைக்கிறார்கள் என்றால், ஜப்பானில் நடக்கக்கூடிய பாதிக்கும் மேற்பட்ட தற்கொலைகள் இந்த காட்டில்தான் நடக்கின்றன. அதனால், இந்த காட்டிற்குள் பிணங்களும் எலும்புக்கூடுகளாகவும் தான் காணப்படும். இன்றளவும் வருடத்திற்கு 100க்கும் மேற்பட்டோர் இந்த காட்டில் தற்கொலை செய்து கொள்கிறார்கள். சூசைட் பாரஸ்ட் உள்ளே செல்வதே ஒரு ஆபத்தான செயல் தான். இந்த காடு, மிக அடர்த்தியான செடி, கொடி, மரங்களை கொண்டுள்ளதால் வெளிச்சம் மிக குறைவாகத்தான் இருக்கும். அதனால், தொலைந்து போவதற்கு வாய்ப்புகள் மிக அதிகம். இந்த காட்டில் உள்ள மண்ணில் காந்தசக்தி அதிகமாக உள்ளதால், சாதாரண திசைகாட்டி கருவி சரியாக வேலை செய்யாது. சாதாரண காட்டிற்குள் தனியாக சென்றால் ஏதோ ஒரு இனம் புரியாத பயம் ஏற்படும். பகல் சமயத்திலும் இருளாக இருக்கும் இந்த காடு மயான அமைதியுடன் இருப்பதால் பயத்தை உண்டாக்கி தற்கொலை எண்ணத்தைத் தூண்டும். அதுமட்டுமின்றி அங்கு ஏற்கனவே தற்கொலை செய்து கொண்ட ஆத்மாக்கள் தான் இந்த மயான அமைதிக்கு காரணம் என பலரால் கூறப்படுகிறது. இந்த காட்டில் அதிகம் தூக்கில் தொங்கியே மனிதர்கள் தங்கள் உயிரை விடுகிறார்கள் என்பது குறிப்பிடத்தக்கது.

Read More